ریاست اترپردیش کے ضلع مظفر نگر میں آج مکمل لاک ڈاؤن ہے۔
ضلع کی سڑکوں پر مکمل خاموشی دیکھی جا رہی ہے۔ سڑکیں ویران ہیں، گلیاں سنسان ہیں۔ مظفر نگر کے لوگ اس لاک ڈاؤن میں بھرپور تعاؤن کر رہے ہیں۔
کووڈ-19 کے بڑھتے ہوئے کیسز کے پیش نظر، ضلع کلکٹر سیلوا کماری جے نے ہر اتوار کو مکمل لاک ڈاؤن کا حکم جاری کیا تھا۔ اسی احکامات کی وجہ سے مظفر نگر، دوسرے اتوار کو آج مکمل لاک ڈاؤن میں ہے۔
ضلع کے ہر چوراہے پر پولیس بڑی تعداد میں تعینات ہے۔ سڑکوں پر ضروری کام کے لیے کچھ ہی لوگ دیکھے جارہے ہیں، بازار مکمل طور پر بند ہیں۔
قابل ذکر ہے کہ مظفر نگر میں فی الحال 103 مثبت کیسز ہیں، جن کا علاج مظفر نگر کے بیگراج پور میڈیکل کالج میں کیا جارہا ہے۔ اس کے علاوہ 120سے زائد افراد کو علاج کے بعد گھر بھیج دیا گیا ہے۔ لاک ڈاؤن کا یہ فیصلہ مظفر نگر میں کورونا کیسز میں مسلسل اضافہ کی وجہ سے لیا گیا ہے۔
