اترپردیش کے ضلع بدایوں میں حکومت کی جانب سے نجی ٹھیکے پر ایمبولینس ڈرائیوروں کی بھرتی کا عمل جاری ہے۔ اس دوران ٹرائل دینے پہنچے ڈرائیوروں کی جانب سے مسلسل بدعنوانی کی شکایت موصول ہورہی ہیں۔
اس ضمن میں بدایوں کے پولیس لائن گراؤنڈ میں ایمبولینس ڈرائیور کی بھرتی میں شرکت کرنے آئے ایک نوجوان نے بتایا کہ یہاں ڈرائیور بھرتی کے لیے آف لائن فارم بھروائے جا رہے ہیں اور ساتھ ہی فارم بھرنے والوں کو ایمبولینس کا ٹرائل دینے کو کہا جارہا ہے۔ اس دوران انتظامیہ کی جانب سے کبھی تین سال کے ڈرائیونگ لائیسنس والے ڈرائیور کو ٹرائل دینے کو کہا جارہا ہے تو کبھی 15 سال والے کو، کچھ کلیئر نہیں ہو پا رہا ہے۔
انہوں نے بتایا کہ اس بھرتی میں بدعنوانی کا عالم یہ ہے کہ انتظامیہ کی جانب سے اپنی پہچان کے لوگوں کا ہی ٹرائل لیا جارہا ہے اور آگے کی کاروائی میں بھی اسی عمل کو دہرایا جائے گا۔
مزید پڑھیں:
واضح رہے کہ بدایوں میں پورے اترپردیش کی طرز پر ایمبولینس ڈرائیور کی بھرتی کا عمل جاری ہے اور یہ عمل پرائیویٹ کمپنی جی وی کے ایم آر آئی کے ذریعے مکمل کیا جارہا ہے لیکن اس میں بدعنوانی کے مسلسل شکایت موصول ہو رہی ہیں۔
