ریاست اتر پردیش کے گریٹر نوئیڈا کے دادری کوتوالی علاقے کے پلَا گاؤں کے رہنے والے کسان بپت رام کو 26 جنوری کے روز اس کے بڑے بیٹے لوکیش بھاٹی نے جائیداد کے تنازع پر قتل کر دیا تھا۔ پولیس نے ملزم کو گرفتار کر لیا ہے۔ murder in property dispute in Noida
بپت رام کی بیوی نے بھی بیٹے پر قتل کا الزام لگایا تھا۔ پولیس نے ملزم کو روپواس گول چکر سے گرفتار کیا ہے۔ گرفتاری کے بعد ملزم سے سخت پوچھ گچھ کی گئی تو اس نے اپنے والد کے قتل کا اعتراف کرلیا۔ Son accused of murder in Greater Noida
اس کے بعد پولیس نے ملزم کی نشان دہی پر واردات میں استعمال ہونے والی سنٹرو کار سے کارتوس سمیت قتل میں استعمال ہونے والا پستول بھی برآمد کر لیا ہے۔
بتایا جا رہا ہے کہ بپت رام کو 5 کروڑ روپے کا معاوضہ ملا تھا اور وہ گریٹر نوئیڈا کے ڈیلٹا سیکٹر میں مکان خرید کر رہ رہے تھے۔
واضح رہے کہ دادری پولیس کے ہاتھوں پکڑے گئے ملزم لوکیش بھاٹی نے 26 جنوری کو چتیہرا روڈ پر اپنے والد بپت رام کو اس وقت گولی مار کر ہلاک کر دیا تھا جب وہ ڈیلٹا-1 میں اپنے دوسرے گھر جا رہے تھے۔
ڈی سی پی گریٹر نوئیڈا امت کمار نے کہا کہ 'تفتیش میں پتہ چلا ہے کہ بپت رام کے دو بیٹے ہیں جن میں لوکیش بھاٹی بڑا بیٹا اور دیا بھاٹی چھوٹا بیٹا ہے۔ بڑے بیٹے نے اپنے والد سے 15بیگھہ زمین اپنے نام کرنے کو کہا تھا، لیکن والد بپت رام نے زمین دینے سے صاف انکار کر دیا تھا۔ اس سے ناراض ہو کر دونوں کے درمیان جھگڑا ہو گیا اور گاؤں میں ہی پنچایت کی گئی۔ پنچایت میں بھی دونوں باپ بیٹوں میں لڑائی ہوئی۔ پنچایت میں بھی والد نے بیٹے کی بات نہیں مانی تو بعد میں بیٹے نے اپنے والد کا قتل کر دیا۔
