مغربی ثقافت کی تقلید اور اظہار خیال کی آزادی کے نام پر بھارت میں بھی فیشن شو اور کیٹ واک کے نام پر خواتین کو مختصر اور تنگ لباس میں پیش کیا جاتا ہے اور اس طرح کی عریانیت اور فحاشی نمائش کو روکنے اور بھارتی تہذیب اور ثقافت کو فروغ دینے کے لیے سیز انٹرٹینمینٹ اینڈ پروڈکشن نے انڈین فیشن فیسٹیول کا انعقاد کیا جو اپنی نوعیت کا منفرد فیشن شو تھا۔ جس میں سماج کا ہر طبقہ شامل ہو سکتا ہے ۔
ابھیشیک بشٹ، چیئرمین آستھا فیشن ہب
اس حوالے سے آستھا فیشن ہب کے چیئرمین ابھیشک وشیسٹ نے کہا کہ اس طرح کے فیشن شو آئندہ بھی منعقد کئے جائیں گے جس میں عریانت کی بجائے بھارتی تہذیب کو دکھایا جائے گا۔
اس فیشن شو کا دوسرا سیزن مارچ اور اپریل سے شروع ہوگا اور ہر ماہ ایک فیشن شو منعقد کیا جائے گا جس میں سماج کا ہر طبقہ جو فیشن کا شوق رکھتا ہے نظریں جھکائے بغیر اپنے اہلہ خانہ کے ساتھ اس میں شریک ہو سکتا ہے۔
