ریاست اترپردیش کے ضلع گوتم بدھ نگر میں پہلی پوسٹ کووڈ کلینک کی نوئیڈا کے سیکٹر 30 چائلڈ پی جی آئی میں شروعات ہو گئی ہے، اس چائلڈ پی جی آئی میں 500 مریض شفایاب ہو کر ڈسچارج بھی ہو چکے ہیں۔ مریضوں سے متعلق جانکاریاں پوسٹ کووڈ کلینک میں جمع کی جائیں گی اور اسی بنا پر تحقیق بھی کی جائے گی۔ اینٹی باڈی، علامات، مزاج میں تبدیلی اور دیگر علامات کی جانچ کی جائے گی۔
نوئیڈا چائلڈ پی جی آئی کے ڈائریکٹر ڈاکٹر ڈی کے گپتا نے بتایا کہ مارچ 2020 سے اسپتال کووڈ اسپتال کے طور پر کام کر رہا ہے، محفوظ علاج و معالجے کے بعد 500 سے زائد مریضوں کو صحتیاب کر کے فارغ کردیا گیا ہے۔ اس میں تقریباً 140بچوں کو ڈسچارج کیا گیا ہے۔
ڈائریکٹر نے بتایا کہ یہ دیکھا گیا ہے کہ کووڈ کے کچھ مریض جنہیں چھٹی دی گئی ہے ، ان میں علامات دوبارہ نظر آئے ہیں، ایسے ہی مریضوں کے لئے پوسٹ کویڈ کلینک کا آغاز کیا گیا ہے، ڈائریکٹر ڈاکٹر ڈی کے گپتا نے بتایا کہ پوسٹ کویڈ کلینک کی مدد سے، مریضوں کے اعتماد کی بحالی سے علامت ظاہر ہونے پر دوبارہ جانچ کرنے میں مدد ملے گی۔
ڈاکٹر امیش شکلا نے بتایا کہ اندراج سے لے کر تمام ٹیسٹ مفت میں ہوں گے، جس میں جسمانی ذہنی جانچ اور علاماتی جانچ شامل ہیں، ضرورت کے مطابق بلڈ ٹیسٹ ، ایکس رے، ای سی جی کیا جائے گا۔ کویڈ اینٹی باڈی لیول کی بھی جانچ کی جائے گی اور ضرورت پڑنے پر دوا بھی مہیا کرائی جائے گی۔ ان کی مدد سے بہت سی نئی معلومات اکٹھی کرنے کی کوشش کی جائے گی۔
