لکھنؤ: وزیر اعلیٰ یوگی آدتیہ ناتھ Chief Minister Yogi Adityanath نے تمام ایڈیشنل چیف سکریٹریز اور پرنسپل سکریٹریز کو 100 دنوں کا ایکشن پلان تیار کرنے کی ہدایت دی۔ ایڈیشنل چیف سکریٹری ہوم اونیش اوستھی کی صدارت میں محکمہ داخلہ کے سینیئر افسران کی ایک اعلیٰ سطحی میٹنگ ہوئی۔ اس میٹنگ میں اتر پردیش کے لاء اینڈ آرڈر کو مزید مضبوط بنانے اور جرائم پر مؤثر طریقے سے قابو پانے کے لیے مستقبل کی حکمت عملی پر غور و خوض کیا گیا۔
چیف سکریٹری ہوم اونیش اوستھی نے محکمہ پولیس اور اس کی اکائیوں اور ضلعی سطح پر پولیس کو منصوبہ بند طریقے سے مضبوط اور موثر بنانے کی ہدایت دی۔ عام لوگوں کو پولیس کی بہتر سہولیات فراہم کرنے کے لیے انہوں نے پولیس سے متعلق عوامی افادیت کی خدمات کو مزید مضبوط بنانے پر بھی زور دیا۔ انہوں نے افسران سے کہا ہے کہ وہ بدعنوانی کی روک تھام کی تنظیم، اقتصادی جرائم کے تحقیقی ونگ ای او ڈبلیو EOW ویجیلنس، ایس آئی ٹی اور سی بی سی آئی ڈی کو بدعنوانی اور اقتصادی جرائم پر موثر کارروائی کے لیے مزید طاقتور اور موثر بنائیں۔
ایڈیشنل چیف سیکرٹری داخلہ نے کہا ہے کہ ٹیکنالوجی کے استعمال کی مزید حوصلہ افزائی کی جائے گی تاکہ شفافیت لائی جا سکے اور پولیس کے مختلف یونٹس کے کام کو تیز کیا جا سکے۔ اس کے ساتھ خواتین کے بیٹ سسٹم اور اینٹی رومیو اسکواڈ کو مزید مضبوط کیا جائے گا۔ گنڈہ مافیا اور خواتین کے جرائم میں زیادہ سے زیادہ سزا دینے کے لیے اسپیشل پراسیکیوشن یونٹ کی تشکیل پر بھی غور کیا جائے گا۔
