نوئیڈا تھانہ سیکٹر 24 میں نوئیڈا پولیس اور شرپسندوں کے مابین ہوئے تصادم میں دو شرپسند زخمی ہوگئے جنہیں پولیس نے گرفتار کر کے علاج کے لیے ہسپتال میں داخل کرا دیا ہے۔
اطلاعات کے مطابق نوئیڈا کے تھانہ سیکٹر 24 ایڈوو چوراہے سے مورنا کی طرف جانے والی شاہراہ پر تھانہ سیکٹر 24 کے انچارج پربھات دکشت کے زیر قیادت پولیس کی ٹیم گاڑیوں کی چیکنگ کر رہی تھی۔
اس دوران سامنے سے آرہے دو بائک سواروں کو پولیس نے رکنے کا اشارہ کیا تو دونوں موقع سے فرار ہونے کی کوشش کرنے لگے، پولیس نے دونوں کا پیچھا کیا تو شرپسندوں نے پولیس پر فائرنگ کرنی شروع کر دی۔
معاملے کو دیکھتے ہوئے پولیس نے اپنے بچاؤ میں فائرنگ کی جس میں دونوں شرپسند شدید طور پر زخمی ہوگئے جنہیں پولیس نے گرفتار کر کے علاج کے لئے ہسپتال روانہ کر دیا ہے۔
گرفتار ملزمیں کی شناخت منو عرف راہل اور انل کے طور پر ہوئی ہے جن کے پاس سے پولیس نے دو بائک سمیت لوٹ کے متعدد سامان برآمد کئے ہیں۔
