جونپور: ریاست اترپردیش کے ضلع جونپور کے برسٹھی علاقے میں زمینی تنازع کو لے کر ایک نوجوان کا قتل کردیا گیا جبکہ اس کے والدین شدید طور سے زخمی ہوگئے۔ پولیس ذرائع نے بتایا کہ علاقے کے کانٹی گاؤں میں ہفتہ کی دیر رات متوفی کے گھر کے پیچھے گرام سماج کی زمین ہے۔ اس زمین کو لے کر پھول چند گوتم اور لال چند کے درمیان تنازع تھا۔ متنازع زمین پر لال چند نے کل شام گائے باندھ دی تھی۔ گائے نے پھول چند کی لڑکی کو مار دیا۔ جانکاری ہونے پر دونوں میں کہا سنی کے بعد لاٹھی ڈنڈے چلنے لگے۔ جس میں پھولچند، ہریش چند اور امراوتی کے ساتھ دوسرے فریق کے تین افراد زخمی ہوگئے۔ دونوں فریق زخمی حالت میں ہی تھانے پہنچے۔ پولیس نے دونوں فریقین کے زخمیوں کو علاج کے لئے کمیونٹی ہیلتھ سنٹر میں داخل کرایا جہاں دیر رات پھول چند(32) کی موت ہوگئی۔
واضح رہے کہ مئی ماہ میں جونپور ضلع کے تھانہ ظفر آباد کے علاقے میں آٹو ڈرائیور کو گلا ریت کر قتل کر دیا گیا تھا۔ رامداس پور گاؤں کے پریاگ راج-جون پور بلاک کے ریلوے ٹریک کے کنارے سے لاش ملی۔ واقعہ کی اطلاع ملتے ہی پولیس موقع پر پہنچ گئی۔ فرانزک اور ڈاگ سکواڈ کی ٹیم نے جائے وقوعہ سے شواہد بھی اکٹھے کئے۔ واقعہ سے علاقہ میں سنسنی پھیل گئی۔ معاملہ محبت کا بتایا گیا۔ مقامی لوگوں نے بتایا کہ سندیپ کے علاقے کی ایک خاتون سے عشق ہو گئی تھی۔ خاتون کی دو شادی ہوئی تھی۔ پہلی شادی شہر کے سٹی کوتوالی کے ایک گاؤں میں ہوئی تھی۔ شوہر کی موت کے بعد اس نے اپنی دیور کے ساتھ کورٹ میرج کرلی۔ اس کے بعد اس کا اپنے دوسرے شوہر سے بھی جھگڑا ہوا۔ اس کے بعد وہ اپنے مائکے میں رہنے لگی۔ اسی دوران اس کی آٹو ڈرائیور سندیپ سے دوستی ہوگئی۔
یہ بھی پڑھیں: Murder in Pratapgarh پرتاپ گڑھ میں نوجوان کا گولی مارکر قتل، چار ملزمان کے خلاف قتل کا کیس
یواین آئی
