ریاست اترپردیش کے ضلع بارہ بنکی میں شمالی حلقہ کے انٹر یونیورسٹی خواتین کھو کھو مقابلے کے اختتامی تقریب میں رام پرکاش سنگھ نے بطور خصوصی مہمان شرکت کی۔
رام پرکاش سنگھ نے کہا ان دنوں دیہی علاقوں سے کھلاڑی ابھر کر سامنے آرہے ہیں ۔کھیلوں کو لے کر لوگوں کے نظریہ میں بڑی تبدیلی آئی ہے اور میڈیا نے اس میں اہم کردار ادا کیا ہے۔
جب ای ٹی وی بھارت کے جانب سے رام پرکاش سے سوال کیا گیا کہ دیہی علاقوں میں کھیل کو فروغ دینے کے لیے کچھ نہیں کیا جاتا تب انہوں نے کہا کہ یہ بات واجب ہے کہ ہم کھیل کی کوچنگ شہروں میں دیتے ہیں، لیکن وہاں کوچنگ حاصل کرنے والوں میں دیہی علاقوں کے بچے شامل ہیں۔
انہوں نے کہا دیہی علاقوں سے بڑی تعداد میں کھلاڑی نکل رہے ہیں اور کھیل کو لے کر والدین کے نظریہ میں تبدیلی آئی ہے وہ خود بچوں کو لے کر کھیل کی ٹرینگ دلوانے آتے ہیں۔
انہوں نے کہا کہ کھلاڑیوں کی تعداد بڑھانے میں میڈیا نے اہم کردار ادا کیا ہے۔کیوںکہ جب کھلاڑیوں کو میڈیا کی کوریج ملتی ہے تو اس سے دوسرے بچے بھی کھیلوں کی جانب متوجہ ہوتے ہیں۔
