اترپردیش کے ضلع مہوبہ کے بودھورا گاؤں میں اپنے ہی کھیت میں ایک معصوم بچہ کھیل رہا تھا کہ اچانک وہاں پر کُھدے ہوئے بوریویل میں گر گیا۔
اطلاع ملنے پر ڈسٹرکت مجسٹریٹ ستیندر کمار، پولیس سپرنٹنڈنٹ ارون کمار شریواستو موقع پر پہنچے۔ جے سی بی مشینوں کے ذریعے ریسکیو شروع کیا گیا۔
بچے کو محفوظ طریقے سے باہر نکالنے کے لئے تمام تر کوششیں کرنے کے باوجود بچے کو بچایا نہیں جاسکا۔ اعلی افسران نے بچے کو بچانے کی ہر ممکن کوشش کی گئی اور اس کے لیے ایس ڈی آر ایف اور این ڈی آر ایف کی ٹیم کو بھی لکھنؤ ہیڈ کوارٹر سے طلب کیا گیا۔
اطلاع کے 10 گھنٹے بعد ایس ڈی آر ایف اور این ڈی آر ایف کی ٹیمیں پہنچیں، جہاں کئی گھنٹوں کے بعد بچے کو بورویل سے باہر نکالا گیا۔
جس کے بعد بچے کوعلاج کے لیے ضلعی اپستال روانہ کیا گیا، جہاں ڈاکٹروں نے بچے کو مردہ قرار دے دیا۔
موت کی اطلاع ملنے پر ڈی ایم، ایس پی ضلعی اسپتال پہنچ کر جاں بحق ہونے والے بچے کے لواحقین سے بات چیت کی اورانہیں مالی مدد کرنے کی یقین دہانی بھی کرائی۔
