ریاست اترپردیش کے شہر مرادآباد میں حج ٹرینر شمع عالم نے بتایا کہ سال 2021 کے لئے بھرے جارہے حج کے فارم کیلئے قوانین میں کچھ تبدیلی کی گئی ہے۔
نئے قوانین کے تحت 18 سال سے کم اور 65 سال سے زیادہ عمر کے لوگوں کو حج پر جانے کی اجازت نہیں ہے۔ منتخب ہونے والے عازم حج کو پہلی قسط 81000 کی جگہ ایک لاکھ پچاس ہزار روپے جمع کرنا ہوگا۔
حج ٹرینر شمع عالم نے کہا کہ ایک کور میں ایک ساتھ تین عازمین حج کو ہی فارم بھرنے کی اجازت ہوگی اور جو خواتین بنا محرم کے حج کو جاتی ہیں ان کی تعداد بھی گھٹا کر تین کردی گئی ہے۔
حج ٹرینر شمع عالم نے آگے جانکاری دیتے ہوئے بتایا کہ پچھلے سال کے مطابق اس سال حج کی رقم کو بڑھا دیا گیا ہے، جو حج ڈھائی لاکھ روپے تک میں ہو جاتا تھا اب وہ حج ساڑھے تین لاکھ روپے میں ہوگا۔ پچھلے سال کے مطابق اس سال حج پر جانے والوں کے فارم بھرے جانے والوں کی تعداد کم ہے۔
