نوئیڈا: ریاست اترپردیش کے نوئیڈا سیکٹر-62 میں واقع سینٹرل جی ایس ٹی آفس میں تعینات ایک خاتون آئی آر ایس افسر کے ساتھ ماضی میں سی جی ایس ٹی انسپکٹر نے چھیڑ چھاڑ کی تھی۔ اس معاملے میں متاثرہ خاتون اسسٹنٹ کمشنر نے ملزم انسپکٹر ارپت ملک کے خلاف فیز 3 کوتوالی میں مقدمہ درج کرایا تھا۔ جس کے بعد پولیس نے ملزم انسپکٹر کو گرفتار کر کے جیل بھیج دیا ہے۔ CGST Inspector Arrested
مقدمہ درج کراتے ہوئے متاثرہ نے بتایا کہ ارپت نے میسج کر کے گالی گلوج کی۔ اس کے علاوہ اس نے ان کے خلاف نازیبا کلمات ادا کرتے ہوئے جان سے مارنے کی دھمکی بھی دی تھی۔ جی ایس ٹی ڈپارٹمنٹ کی خاتون اسسٹنٹ کمشنر نے پولیس کو شکایت دیتے ہوئے کیس درج کرایا تھا۔ اس کے بعد پولیس نے ارپت کو گرفتار کر کے جیل بھیج دیا ہے۔ ارپت کے اہلخانہ کے مطابق وہ نشے کا عادی تھا۔ گھر والے بھی اس کی حرکت سے پریشان تھے۔ انسپکٹر نے گزشتہ چند دنوں کے دوران کافی سنگین کام کیا تھا۔ جس کی وجہ سے ارپت کے گھر والے اسے بہت جلد نشہ چھڑانے ( Drug de-addiction center) کے مرکز بھیجنے والے تھے لیکن اس سے پہلے اس نے خاتون اسسٹنٹ کمشنر کے ساتھ بدتمیزی کی اور ڈرگ ڈی ایڈکشن سینٹر جانے سے پہلے ہی جیل چلا گیا۔ CGST Inspector Arrested for threatening to kill woman officer in Noida
یہ بھی پڑھیں : Couple Arrested in Moradabad میٹرومونیل سائٹ کے ذریعہ ٹھگی کے الزام میں میاں اور بیوی گرفتار
