گذشتہ روز ملک بھر میں ووٹرز کا قومی دن منایا گیا۔اس موقع پر الیکشن کیمیشن کے زیر اہتمام تقاریب کا انعقاد ہوا۔ بھارت میں سنہ 2011 سے ہر برس 25 جنوری کو ووٹروں کا قومی دن منایا جاتا ہے۔اس دن کا مقصد عوام میں رائے دہی کے لیے شعور بیدار کرنا ہے۔
ووٹرز کے قومی دن کے موقع پر حکومت اترپردیش کی ایما پر کلیکٹریٹ احاطے میں ایک جلسہ منعقد کیا گیا جس میں رائے دہندگان کو بیدار کرنے کے لیے ایک خصوصی پرگرام کا انعقاد ہوا۔
اس موقع پر ضلع مجسٹریٹ شمبھو کمار نے بتایا کہ اس پروگرام کا مقصد تھا کہ رائے دہندگان اگر تاحال اپنا ووٹر شناختی کارڈ نہیں بنوا سکتے ہوں تو وہ اپنا کارڈ بنوا لیں تاکہ عوام کو آنے والے انتخابات میں بڑھ چڑھ کر حصہ حصہ لینے اور حق رائے دہی کے استعمال کا موقع ملے۔خاص طور پر نوجوان نسل اور خواتین کو بیدار کرنےکے لیے خصوصی توجہ مرکوز کی گئی۔
اس موقع پر بچوں نے ثقافتی پروگرام میں مظاہرہ کیا اور رائے دہندگان کو شناختی کارڈ بھی تقسیمِ کی گئی۔
اس موقع پر ضلع کے تمام مدارس کے بچے، شہر کے معروف شخصیات، اور ضلع کے اعلیٰ افسران موجود رہے۔
