ریاست اترپردیش کے شہر مرادآباد کے کٹگھر علاقہ میں ٹرین سے ٹکراکر ایک سانڈ زخمی ہوگیا، جس کا باقاعدہ طور پر علاج نہ کیے جانے کی وجہ سے اس کی موت ہوگئی۔
موت سے خفا شدت پسند تنظیم بجرنگ دل کے کارکن نے ضلع مویشی ڈاکٹر پر لاپروائی کا الزام لگایا، اور کہا کہ دو گھنٹے تک سانڈ تڑپتا رہا لیکن کوئی بھی ڈاکٹر اس کے علاج کے لیے نہیں آیا، جس کی وجہ سے سانڈ نے دم توڑ دیا۔
خیال رہے کہ کٹگھر علاقہ میں واقع دھان مل کے پاس آج ایک سانڈ ٹرین کے سامنے آنے سے زخمی ہوگیا، جس کی خبر پاکر مقامی لوگ اور بجرنگ دل کے کارکن موقعے پر پہنچے اور زخمی سانڈ کے علاج کے واسطے ڈاکٹر کو فون کیا، لیکن کوئی بھی ڈاکٹر موقع پر نہیں پہنچا اور دو گھنٹے تک متواتر تڑپ نے کے بعد سانڈ نے دم توڑ دیا۔
اس کے بعد موجود لوگوں کا غصہ پھوٹ پڑا ان کا الزام ہے، کہ اگر ڈاکٹر بروقت آجاتے توسانڈ کا علاج کر اسے بچایا جاسکاتا تھا۔
انہوں نے مزید الزام لگایا کہ اسی طرح وہں پر متعدد اور بھی کئی جانوروں کی موت ہوچکی ہے، جس کے ذمہ دار براست ڈاکٹر ہی ہیں۔
مرادآباد کے کٹگھر علاقہ میں ٹرین سے ٹکراکر زخمی سانڈ کا علاج نہ کرنے کی وجہ سے موت سے ناراض بجرنگ دل کے کار کن نے ضلع مویشی ڈاکٹر پر لاپرواہی کا الزام لگایا ہے۔
