علیگڑھ: اے ایم یو ٹریننگ اینڈ پلیسمنٹ آفیسر جنرل سعد حمید نے علیگڑھ مسلم یونیورسٹی (اے ایم یو) گرلز اسکول اور اے ایم یو سٹی گرلز ہائی اسکول میں کیریئر کونسلنگ سیشن میں طالبات کے ساتھ تبادلہ خیال کیا۔ انہوں نے کہا کہ دسویں جماعت کی تعلیم مکمل کرنے کے بعد سب سے مشکل اعلیٰ تعلیم کے لیے صحیح سمت کا انتخاب کرنا ہے۔ یہ ایک بہت اہم قدم ہے اور طلبا کے کیریئر میں آگے جو کچھ ہوتا ہے اس کا انحصار اس فیصلے پر ہوتا ہے اور اس لیے انہیں کسی دباؤ میں نہیں بلکہ اپنے مفادات اور دلچسپی کے شعبوں کے مطابق آگے جانا چاہیے۔ Career Counseling Session In AMU
سعد حمید نے طالبات کے سوالات کے جواب دیتے ہوئے سائنس، کامرس اور ہیومینیٹیز کی تعلیم حاصل کرنے اور میڈیکل، انجینئرنگ، سرکاری خدمات اور تحقیقی سیکٹر میں دستیاب کیریئر کے مواقع پر بھی بات کی۔ اے ایم یو گرلز اسکول کی پرنسپل آمنہ ملک نے کہا کہ مجھے یقین ہے کہ کونسلنگ سیشن میں طالبات کو فیصلہ کرنے کے لیے تمام ضروری معلومات حاصل ہوئی ہیں۔ اے ایم یو سٹی گرلز ہائی اسکول کے پرنسپل ڈاکٹر محمد عالمگیر اور وائس پرنسپل جاوید اختر نے طالبات کی رہنمائی کے لیے ٹریننگ اینڈ پلیسمنٹ آفیسر جنرل کا شکر یہ ادا کیا۔ Career Counseling Session In AMU
واضح رہے 14 نومبر (چلڈرنس ڈے) کے روز اے ایم یو، عبداللہ ہائی اسکول (گلرس) کی بارہویں جماعت کی طالبہ نے ہاسٹل کے کمرے میں خودکشی کرلی تھی۔ طالبہ کے خودکشی کرنے کی وجہ والدین کے خواہش کے مطابق دباؤ میں سائنس اسٹریم سے بارہویں جماعت کی تعلیم حاصل کرنا بتائی جا رہی تھی۔ دلچسپی کے بغیر سائنس اسٹریم کی تعلیم سے ہمیشہ طالباء پریشان اور ذہنی دباؤ میں رہتی تھی۔ اسی لئے طلباء کو اپنے دلچسپی کے مطابق ہی دسویں جماعت کے بعد تعلیم حاصل کرنا چاہیے اور والدین کو بھی دباؤ میں بچوں کو تعلیم حاصل کروانا نہیں چاہیے۔ Career Counseling Session In AMU
یہ بھی پڑھیں : World Aids Day اے ایم یو میں عالمی یوم ایڈز پر متعدد پروگرامز کا انعقاد
