غازی آباد: اس دوران بی جے پی کے رکن اسمبلی نند کشور گرجر نے متنازع بیان دیا ہے۔ انہوں نے بجرنگ دل کارکن کے قاتلوں کو سرعام گولی مارنے کی بات کی۔ کینڈل مارچ لونی کے بلرام نگر نکل کر لونی تیراہا پہنچا۔
اس موقع پر لونی حلقہ سے بی جے پی کے امیدوار نند کشور گرجر نے کہا کہ ہرشا کے قتل سے پورا ملک ناراض ہے۔ Candle march in Ghaziabad for slain Bajrang Dal activist
انہوں نے کہا کہ ہرشا قتل معاملہ میں تیز رفتار کاروائی کی جانی چاہیے اور فاسٹ ٹریک کورٹ کے ذریعہ مجرمین کو پھانسی دی جانی چاہیے۔
انہوں نے کہا کہ ایسے قصورواروں کو کھلے عام گولی مار دینی چاہیے، تاکہ یہ پیغام دیا جائے کہ سناتن دھرم پر حملہ کرنے والوں کا یہ انجام ہوتا ہے۔
یہ بھی پڑھیں:
Teacher Asked Girl to Remove Hijab in Delhi: 'دہلی میں اسکول ٹیچر نے طالبات سے حجاب اتارنے کو کہا'
نند کشور گرجر نے حجاب کے معاملے پر کہا کہ آج تمام سیکولر ذہن رکھنے والوں کے منہ بند ہیں کیونکہ ایک ہندو کا قتل ہوا ہے۔ انہوں نے ملک میں یکساں سیول کوڈ نافذ کرنے کی حمایت کی۔
