ریاست اترپردیش کے ضلع مرادآباد میں ایک نوجوان کو کار سوار بدمعاشوں نے گولی مار دی، گولی لگنے سے نوجوان شدید زخمی ہوگیا جسے ہسپتال میں داخل کرایا گیا۔
زخمی نوجوان کی حالت نازک ہونے کی وجہ سے اسے آگے ریفر کر دیا گیا ہے۔
گولی لگنے سے ایک شخص کے زخمی ہونے کی خبر ملتے ہی پولیس موقع پر پہنچی اور زخمی شخص کو ہسپتال میں داخل کرایا اور معاملے کی تحقیقات شروع کر دی۔
پولیس کے مطابق نوجوان کو گولی مارنے والے اس کے سسرال کے لوگ تھے۔ پولیس ان لوگوں کو گرفتار کرنے کی کوشش کر رہی ہے۔
دراصل، معاملہ تھانہ کٹگھر علاقہ کے ایکتا بہار کالونی کا ہے جہاں ایک نوجوان کو کار سوار بدمعاشوں نے گولی مار دی۔ کسی نے حادثے کی خبر پولیس کو دی تو فورا پولیس موقع پر پہنچی اور زخمی نوجوان کو ضلع ہسپتال پہنچایا۔ نوجوان کی حالت نازک ہونے کی وجہ سے اسے علاج کے لیے آگے ریفر کر دیا گیا ہے۔
پولیس کی جانکاری میں آیا ہے کہ اس کی بیوی سے گزشتہ کئ دنوں سے جھگڑا چل رہا ہے، شاید اسی معاملے کو لے کر اس کے سالوں نے اس واردات کو انجام دیا ہوگا۔ نوجوان کے کاندھے پر گولی لگی ہے۔
پولیس کا کہنا ہے کہ جلد ہی ملزمین کو گرفتار کر لیا جائے گا۔
