بدایوں: 'سادھن سہکاری سمیتی' میں بدعنوانی کا معاملہ

ریاست اترپردیش کے ضلع بدایوں میں سادھن سہکاری سمیتی لمیٹڈڈ میں بدعنوانیوں کے شدید الزامات کا سلسلہ جاری ہے۔ سمیتی کے بورڈ کے چیئرمین نے فرضی دستخط کے ذریعے سمیتی کے سابق سکرریٹری کے بیٹے پر تنخواہ نکالنے کے الزامات عائد کیے ہیں۔

ریاست اترپردیش کے میں کسانوں کی فصلوں کو خریدنے، کھاد اور بیج فراہم کرنے اور کھیتی سے متعلق مختلف سرکاری اسکیموں کو کسانوں تک پہنچانے کے لیے سمیتیاں ہوتی ہیں۔ اسی طرح کی ایک سادھن سہکاری سمتی لمیٹڈ ککرالہ بدایوں میں بورڈ چیئرمین اور اراکین کے درمیان بدعنوانی کا الزام ہے۔ الزام ہے کہ سابق سکریٹری کے بیٹے نے چیئرمین کے فرضی دستخط کی بنیاد پر بدعنوانی کی ہے اور تنخواہیں نکالی ہیں۔

سمیتی کے چیئرمین زاہد علی خان کا کہنا تھا کہ گزشتہ سیکریٹری شری پال نے انہیں تنخواہ نکالنے کے لیے تین چیک دیئے جن میں سے دو چیکس پر ہی انہوں نے دستخط کیے تھے لیکن سابق سکریٹری کے بیٹے کے چیک پر سائن نہیں کیا، پھر بھی سابق سیکریٹری اور اس کے بیٹے نے تنخواہ نکالیں'۔دوسری جانب سمتی کے سابق سکریٹری شری پال کے بیٹے نریندر چودھری کا کہنا ہے کہ مجھے اس معاملے میں کوئی معلومات نہیں ہے اور جب تفتیش ہوگی تو معاملہ صاف ہوجائے۔ انہوں مزید کہا کہ یہ معاملہ ابھی اٹھایا جا رہا ہے۔'اطلاعات کے مطابق سمیتی کو سابق سکریٹری شری پال کی فطری موت کے بعد سیل کر دیا گیا تھا جس سے ضلع انتظامیہ کے حکم سے دوبارہ شروع کرنے کے کیے بورڈ کی میٹنگ سے قبل چیئرمین اور اراکین کی جانب سے سابق سکریٹری شری پال اور اس کے بیٹوں پر بدعنوانی کے سنگین الزامات عائد کیے گئے ہیں۔واضح رہے کہ سمیتی کے دیگر اراکین نے بھی سابق سیکریٹری اور اس کے بیٹے پر بدعنوانی کے الزامات عائد کرتے ہوئے موجودہ چیئرمین کے بیانات کی تائید کی ہے۔ وہیں اراکین کا کہنا ہے کہ مسلسل بدعنوانیاں جاری ہیں۔ نہ کوئی میٹنگ کی جاتی ہے اور نہ ہی کسانوں کی فصل کو خریدنے کے سلسلے میں کوئی موثر قدم اٹھایا جارہا ہے۔'