بارہ بنکی میں اے ڈی ایم کورٹ سے پرچہ نامزد کرنے کے بعد ای ٹی وی بھارت سے گفتگو کے دوران اکھلیش امبیڈکر نے کہا کہ زیدپور اسمبلی حلقے میں ترقیاتی کام نہ کے برابر ہوئے ہیں۔ انہوں نے کہا کہ وہ انتخابات فطح کرنے کے بعد وہ ترقیاتی کام کرائیں گے۔ باہری ہونے کے سوال پر انہوں نے کہا وہ باہری نہیں ہیں۔ وہ یہاں رہ کر تنظیم کا کام کر چکے ہیں اور ان کے خاندان کے لوگ یہاں ابھی بھی رہ رہے ہیں. اس لیے باہری ہونا کوئی مسلہ نہیں ہے۔
قابل ذکر ہے کہ ابھی تک زیدپور اسمبلی حلقہ کے لیے بی ایس پی اور کانگریس امیدوار نے ہی پرچہ نامزدگی کی ہے۔ جبکہ ابھی سماجوادی پارٹی اور بی جے پی کے امیدوار تک کا اعلان بھی نہیں ہوا ہے۔ جمعہ کے بعد اب صرف 30 ستمبر کو ہی پرچہ نامزدگی کا وقت بچا ہوا ہے۔