جونپور: اترپردیش کے ضلع جونپور میں کستوربا گاندھی رہائش گرلس کالج میں جعل سازی کے بعد تمام اضلاع کے ٹیچروں کی جانچ کی جا رہی ہے اس دوران ڈسٹرکٹ بیسک ایجوکیشن افسر(بی ایس اے) پروین کمار تیواری نے اپنی جان کو خطرے کا اندیشہ ظاہر کرتے ہوئے ایس پی کو خط بھیج کر سیکورٹی کا مطالبہ کیا ہے۔
ایس پی اشوک کمار کو جمعہ کے روز دئے گئے اپنے خط کے بعد بی ایس اے ترپاٹھی نے کہا کہ 'اس وقت تمام اضلاع کے ٹیچروں کی جانچ کی جارہی ہے۔ جانچ کی وجہ سے دفتر میں دیر شام تک کام کرنا پڑ رہا ہے۔ بجلی نہ رہنے کی صورت میں دفتر احاطے میں کافی اندھیرا رہتا ہے ایسے میں سیکورٹی کی ضرورت ہے۔
ٹیچروں کی چل رہی جانچ میں ابھی اور بھی جعل سازی کا پردہ فاش ہونے کا اندیشہ ہے۔ ایسے میں تعلیم مافیا جانچ کو متاثر کرسکتے ہیں۔
انہوں نے کہا کہ ضلع میں تعلیم مافیا کی کافی مضبوط پکڑ ہے ۔سابق میں ڈسٹرکٹ کالج انسپکٹر دنیش پانڈے کو ان کی دفتر میں گولی مار کر قتل کیا جاچکا ہے۔
وہیں بی ایس اے پروین کمار نے کہا کہ 'جانچ چل رہی ہے ایسے میں سیکورٹی کا مطالبہ کرنا ایک عام کاروائی ہے۔ سیکورٹی کے لئے ایس پی کو خط دیا ہے۔
