ریاست اتر پردیش کے ضلع متھرا کے مانٹ قصبے کی رہنے والی ایک لڑکی نے سات پھیرے کی رسم سے قبل ہی شادی سے انکار کردیا۔ جس کے بعد دلہے کی شادی مانٹ قصبے کی رہنے والی ایک دوسری لڑکی سے ہوئی۔
بتایا گیا کہ 'شادی سے قبل دلہا اور دلہن کے گھر والے بہت خوش تھے، لیکن سات پھیرے لینے سے پہلے ہی دلہن نے کسی وجہ سے دولہے سے شادی سے انکار کردیا۔
ضلع کے ہائی وے تھانہ علاقے کے تحت منڈی چوراہا کے رہائشی مادھو کے بیٹے رمیش کی شادی مانٹ قصبے کے رہائشی راج ویر کی بیٹی کے ساتھ طے ہوئی تھی۔ جمعہ کی رات بارات بھی پہنچ گئی دعوت بھی ہوگئی لیکن جب سات پھیرے لینے کا وقت آیا تو لڑکی نے شادی کرنے سے انکار کردیا۔
شادی سے انکار کرنے پر لڑکی کے گھر والوں نے اسے بہت سمجھانے کی کوشش کی لیکن وہ راضی نہیں ہوئی۔ اور نہ ہی اس نے شادی سے انکار کی کوئی وجہ بتائی۔ شادی سے انکار کے بعد تنازعہ کھڑا ہوگیا۔
یہ بھی پڑھیں: کیمور: شادی کے بعد دولہا فرار، دلہن نے کی فریاد
اس کے بعد پنچایت منعقد ہوئی اور یہ فیصلہ کیا گیا کہ دولہا مادھو کی شادی مانٹ قصبے کی رہائشی شیوانی سے کرادی جائے۔ جس کے بعد مادھو کی شادی شیوانی سے ہوئی۔
