اطلاعات کے مطابق انڈین روٹی بینک کے بانی وکرم پانڈے نے اس سے متعلق بات کرتے ہوئے کہا کہ ملک کی تقریبا ہر ریاست میں لاک ڈاؤن کے دوران مفلسوں اور ضرورت مندوں کو انڈین روٹی بینک روٹی فراہم کرنے کی کوشش کرے گی۔
انہوں نے بتایا کہ اس سلسلے میں اترپردیش، دلی، بہار، مدھیہ پردیش، گجرات، جھارکھنڈ، کرناٹک، چھتیس گڑھ جیسی ریاستوں میں انڈین روٹی بینک کی جانب سے ایک ہیلپ لائن نمبر جاری کیا گیا ہے، جس کے ذریعے ضرورت مندوں تک کھانے پینے کی چیزیں مہیا کرائی جائے گی، ضرورت مند افراد اس نمبر پر کال کر سکتے ہیں ۔
این جی او کے سربراہ کا کہنا ہے کہ ملک میں جاری لاک ڈاؤن کے بعد سے اس وقت بے حد احتیاط کی ضرورت ہے، اور اس وقت ملک کو عوام کی مدد کی بھی ضرورت ہے، کیونکہ روز کمانے والا اور روز خرچ کرنے والا شخص ان دنوں کھانے کا محتاج ہوگیا ہے، لہذا ایسے میں زیادہ سے زیادہ امداد کریں۔
