ریاست اتر پردیش کے ضلع مرادآباد میں منعقد براہمن سیمینار میں بہوجن سماج پارٹی کے جنرل سیکریٹری اور راجیہ سبھا کے رکن ستیش مشرا نے خطاب کرتے ہوئے صوبائی حکومت پر تنقید کرتے ہوئے کہا کہ 'آپ سب جانتے ہیں کہ کس طرح سے حکومت براہمنوں پر ظلم و ستم کر رہی ہے۔'
ستیش مشرا نے بی جے پی پارٹی پر الزام لگاتے ہوئے کہا کہ 'بی جے پی صوبے کے سبھی مندروں پر قبضہ کر براہمن پجاریوں کو باہر کرنا چاہتی ہے۔'
یہ بھی پڑھیں: راہل گاندھی کے خلاف دہلی ہائی کورٹ میں ایف آئی آر کی درخواست
انہوں نے مزید کہا کہ 'رام مندر کی تعمیر کے نام پر انہوں کروڑوں روپے کا چندہ اکٹھا کیا اور ایک بھی پیسا رام مندر میں نہیں لگا۔ رام مندر میں کوئی کام نہیں ہورہا کوئی مندر نہیں بن رہا صرف چار اینٹیں رکھ کر اور کروڑوں روپے بھومی پوجن کے نام پر خرچ کیا گیا بی جے پی ان پیسوں سے ہیلی کاپٹر اور ہوائی جہاز خرید رہی ہے۔
