پولیس نے یہاں قیصر باغ علاقے کے ہوٹل خالصہ کے ایک کمرے سے خون لگے بھگوا رنگ کے کرتے اور شیونگ کٹ سمیت کچھ دیگر سامان برآمد کئے ہیں۔
قاتلوں کے کپڑے ہوٹل سے برآمد کرنے کا دعوی
سامان ایک بیگ میں رکھے ہوئے تھے۔ ہوٹل کے منیجر نے کہا کہ گجرات کے سورت سے آئے دو افراد شیخ عفان حسین اور پٹھان معین الدین ہوٹل میں رکے تھے۔ انہوں نے اپنا پتہ پدماوتی سوسائٹی،اپارٹمنٹ نمبر۔15،سورت لکھایا تھا۔دونوں واردات کی ایک رات قبل رات 11 بجے کے آس پاس ہوٹل آئے تھے۔
پولیس کے مطابق 18 اکتوبر کو واردات کو انجام دینے کے بعد ہوٹل آئے اور کپڑے تبدیل کیے جسے آج برآمد کرلیا گیا ہے۔پولیس بجنور سے تحویل میں لیے گئے دو مولانا انوارالحق اور نعیم کاظمی کے کردار کی بھی جانچ کررہی ہے۔
