نوئیڈا: یوم جمہوریہ کے پر مسرت موقع پر اتر پردیش کے غازی آباد کے لونی میں مشن انسانیت کی ٹیم نے لونی میں خون عطیہ کیمپ کا اہتمام کیا۔ ہر بار کی طرح اس بار بھی 65 یونٹ بلڈ جمع کیا گیا۔ جمع کیے گئے بلڈ کو بلڈ بینک کے حوالے کر دیا گیا۔ Blood Donation Camp in Ghaziabad
تمام افراد انسانیت کا درد اپنے دل میں سمائے اس مہم کا حصہ بنے اور دل کھول کر خون کے عطیات دیے، جو بے لوث ہو کر دوسروں کی مدد کی غرض سے اپنا خون عطیہ کیے ان سبھی کو سرٹیفکیٹ اور شیلڈ دے کر ان کی حوصلہ افزائی کی گئی۔ منتظمین کے مطابق اس بار بھی لوگوں نے جوش و خروش دکھایا اور اس کار خیر میں میں بڑھ چڑھ کر حصہ لیا۔
محمد نوشاد اور محمد احمد ایڈووکیٹ کا کہنا ہے کہ اب وہ غریب افراد جو پریشان حال، بیماری کی حالت میں اپنے پیاروں کی خاطر ادھر ادھر بھٹکتے ہیں اور انہیں خون نہیں ملتا اور ملتا بھی ہے تو جیب اجازت نہیں دیتی ہے، ایسے مجبور اور ضرورت مند لونی، دہلی اور این سی آر کے لوگوں کو خون مفت فراہم کیا جائے گا۔
ایک تحقیق سے یہ بات واضح ہوئی کہ جو لوگ وقتاً فوقتاً خون عطیہ کرتے ہیں، وہ مختلف بیماریوں سے محفوظ رہتے ہیں۔
اس موقع پر نوشاد سیفی، محمد احمد (ایڈووکیٹ)، عمران ملک اور سلمان ملک نے نمایاں کردار ادا کیے۔
مزید پڑھیں:
