بی جے پی منصوبہ بند طریقے سے عوام کو گمراہ کر رہی ہے: سنجے سنگھ

عام آدمی پارٹی کے سینئر لیڈر و راجیہ سبھا کے رکن سنجے سنگھ نے کہا کہ 'یوگی اور مودی حکومت ہر محاذ پر پوری طرح ناکام ہو چکی ہے اور یہ وجہ ہے کہ وہ منصوبہ بند طریقے سے عوام کو گمراہ کر رہی ہے'۔

عام آدمی پارٹی کے سینئر رہنما سنجے سنگھ نے ای ٹی وی بھارت سے خصوصی بات چیت کے دوران کہا کہ ملک میں بے تحاشا مہنگائی بڑھتی جا رہی ہے، جی ڈی پی گرتی جارہی ہے لیکن حکومت آنکھ بند کرکے تماشہ دیکھنے کا کام کر رہی ہے۔

سنجے سنگھ نے کہا کہ 'بھاجپا پارٹی نے صرف جملے بازی کرنے کا کام کیا ہے،تاکہ عوام کو مدعوں سے گمراہ کیا ہے۔

انہوں نے کہا کہ جی ڈی پی جو پہلے آٹھ فیصد تھی آج کم ہو کر پانچ فیصد پر آ گئی ہے۔ اس کا مطلب یہ ہے کہ ملک کو ساڑھے چار لاکھ کروڑ روپے کا سیدھا نقصان ہوا ہے۔ اس کے علاوہ بارہ لاکھ کروڑ کروڑ روپیے شیئر بازار سے نکالے گیے ہیں۔

سنجے سنگھ کے مطابق ' حکومت اس جانب توجہ دینے کا کام نہیں کر رہی ہے الٹے وزیر خزانہ کا بیان پانچویں برس بچوں کی طرح ہے۔ انہیں جی ڈی پی کا ذرا بھی علم نہیں۔'

سنجے سندھ نے کہا کہ' ان سب مدعے سے بھٹکانے کے لئے حکومت ہندو مسلم، مندر مسجد معاملات میں الجھا کر رکھنا چاہتی ہے'۔

سنجے نے کہا کہ' بھلے ہی کشمیر سے دفعہ 370 منسوخ کردیا گیا ہو، لیکن ملک کے کچھ ریاستوں میں دفع 371 نافذ ہے۔ جسے کبھی بھی ہٹایا جا سکتا ہے کیونکہ بی جے پی میں سبھی کا نمبر آتا رہتا ہے۔جہاں تک این آرسی کا تعلق ہے تو اس میں لوگوں نے دیکھا کہ وہاں پر 18 لاکھ زیادہ لسٹ میں شامل ہندو ہی ہیں۔'

انہوں نے کہا کہ ' ملک میں کاشتکار پریشان حال ہیں۔ جہاں تک آمدنی دوگنی کرنے کی بات ہے تو یہ بتائیے کہ کسانوں کی آمدنی کتنی ہے؟'

سنجے نے کہا کہ کسان ہمیشہ نقصان میں رہتا ہے اسے کوئی فائدہ نہیں ہوتا ہے۔ جب فائدہ ہونے کا نمبر آتا ہے تو بڑے تاجر اس کا فائدہ اٹھاتے ہیں۔

سنجے سنگھ کا کہنا ہے کہ بی جے پی حکومت جو وعدہ کرتی ہے اسے کبھی پورا نہیں کرتی۔