'بی جے پی، سماجوادی پارٹی سے گھبرائی ہوئی ہے'

اترپردیش کے ضلع بدایوں میں سماجوادی پارٹی نے اسمبلی انتخابات 2022 کی تیاریاں شروع کر دی ہیں۔ پارٹی کے ضلعی صدر پریم پال سنگھ کا کہنا ہے کہ بی جے پی اب سماج وادی پارٹی سے گھبرائی ہوئی ہے۔

ضلع بدایوں میں پنچایتی انتخابات میں صدر کے انتخاب کی سرگرمیوں کے درمیان سماجوادی پارٹی و دیگر پارٹیوں نے بھی مشن 2022 کی تیاریاں شروع کر دی ہیں۔

اس دوران پارٹی کے ضلعی صدر پریم پال سنگھ یادو نے ای ٹی وی بھارت سے گفتگو کے دوران کہا کہ 'پچھلی مرتبہ یعنی 2017 اسمبلی انتخابات میں جو کچھ بھی ہوا وہ الگ مسئلہ ہے لیکن اس بار ان کا ہدف 351 سے زیادہ سیٹیں جیتنا ہے۔'

پریم پال سنگھ نے کہا کہ 'بڑی تعداد میں لوگ سماج وادی پارٹی میں شامل ہو رہے ہیں جس کی وجہ سے سے بی جے پی ہم سے گھبرا ہوئی ہے۔'

انہوں نے بتایا کہ 'ملک کے حالات خصوصاً اتر پردیش میں اس قدر خراب ہیں کہ آکسیجن نہ مل پانے اور صحت سے متعلق خراب انتظامات کے وجہ سے عوام اپنی جان گنوا رہی ہے۔

پریم پال نے مزید کہا کہ 'بی جے پی کام ہی نہیں کر رہی ہیں اور جب ہم نے ضلع بدایوں میں آکسیجن پلانٹ لگانے کی پیشکش کی تو بی جے پی نے ہمارا ساتھ نہیں دیا کیوں کہ اس سے ان کی حکومت کی بدنامی ہوتی۔

سماجوادی پارٹی نے ضلع بدایوں میں 'ضلع پنچایت صدر' کی سیٹ کے لیے اپنے امیدوار کے طور پر پر سنیتا شاکیہ کو امیدوار بناتے ہوئے 26 تاریخ کو ان کا پرچہ نامزدگی داخل کرایا ہے جبکہ بی جے پی نے ارشاد یادو کو امیدوار بنایا ہے۔ ضلع میں 51 ووٹ ہیں۔ ووٹنگ اور نتیجوں کا اعلان 3 جولائی کو کیا جائے گا۔

ضلع بدایوں میں 6 اسمبلی سیٹیں ہیں اور 2017 اسمبلی انتخابات پانچ پر بی جے پی اور ایک پر سماجوادی کا امیدوار کامیاب ہوا تھا۔