کسانوں کو ذلیل کررہی ہے بی جے پی:اکھلیش

سماج وادی پارٹی(ایس پی)سربراہ اکھلیش یادو نے برسراقتدار پارٹی بی جے پی پر بنیادی مسائل سے دھیان بھٹکانے کی سیاست کرنے کا الزام لگاتے ہوئے کہا کہ ملک کے کسانوں بی جے پی اقتدار میں جتنا ذلیل کیا گیا ہے اس سے پہلے کسانوں کو رسوائی کا سامنا نہیں کرنا پڑا۔

اکھلیش یادو نے ہفتہ کے روز کہا کہ بی جے پی لمبے عرصے سے چل رہے کسان تحریک کو مکمل طور سے نظر انداز کئے ہوئے ہے۔جھوٹے دعووں اور وعدوں کے ساتھ بی جے پی نے کسانوں کے ساتھ دھوکہ ہی کیا ہے۔

دہلی کے چاروں طرف سات مہینے سے کسان سراپا احتجاج ہیں کھلے آسمان کے نیچے گذشتہ سال سے وہ بارش۔دھوپ برداشت کرتے ہوئے دن رات بی جے پی حکومت کے بہرے کانوں تک اپنی آواز پہنچانے کی کوشش کررہے ہیں ،لیکن بی جے پی ان کے دکھ درد کو سننا نہیں چاہتی ہے۔اس کا رویہ مکمل طور سے غیر اخلاقی و بے حسی پر مبنی ہے۔

انہوں نے کہا کہ کسان کوئی بڑا مطالبہ نہیں کررہے ہیں۔ ان کا ایک مطالبہ ہے کہ ان کی فصل کی قیمت کم از کم سہارا قیمت پر منبی ہو اور اس کی لازمیت ہو۔ان کی دوسرامطالبہ تھا کہ جو تین زرعی قوانین کسانوں پر زبردستی تھوپے گئے ہیں۔ انہیں واپس لیا جایا، لیکن بی جے پی بڑے کاروباری گھرانوں کے دباومیں کسانوں کی مطالبات کو ماننے سے انکار کررہی ہے۔

یو این آئی