ریاست اتر پردیش کے بجنور میں محکمہ بجلی کی لاپرواہی کی وجہ سے گنے کے کھیت میں کام کر رہے کسان کے اوپر بجلی کا تار ٹوٹ کر گر گیا جس کی وجہ سے کسان نے موقع پر ہی دم توڑ دیا-
غصائے رشتہ داروں نے سڑک پر جام لگا کر ہنگامہ کیا۔
دراصل کھیت میں گنے کی بوائی کیلئے ٹریکٹر کے ذریعہ لائن کی تعمیر کے دوران کھیت کے اوپر جانے والی 11 ہزار بجلی کی لائن کسان پر گر پڑی۔
جس کی وجہ سے کسان بری طرح جھلس گیا اور موقع پر ہی موت ہوگئی۔
اطلاعات کے مطابق 'گاؤں اکبر پور کا رہائشی سنیل ولد لکشمن (21 برس) آج صبح گیارہ بجے جھالو نہٹور روڈ پر واقع اینٹوں کے بھٹے کے پیچھے گنے کی بوائی کے لئے لائن بنانے کے لئے کھیت پر آیا تھا۔'
بتایا جاتا ہے کہ 'لائن کو درست کرنے کے دوران کھیت کے اوپر سے گذر رہی 11 ہزار پاور کی لائن کا تار ٹوٹ گئی اور کسان پر گر گیا۔ جس کی وجہ سے کسان لائن سے لپٹ گیا اور اس کی موت ہو گئی۔
نوجوان کی موت کے بعد قریب ہی کام کرنے والے دوسرے کسانوں نے اس کی اطلاع گاؤں والوں کو دی۔ نوجوان کی ہلاکت کا پتہ لگتے ہی گاؤں میں ایک ہنگامہ برپا ہوگیا اور درجنوں افراد فارم کی طرف دوڑ پڑے اور سڑک پر جام لگا کر ہنگامہ کیا۔
