ریاست اترپردیش کے شہر وارانسی میں واقع کاشی ہندو یونیورسٹی (بی ایچ یو) پر 'اترپردیش آلودگی کنٹرول بورڈ' نے 50 ہزار روپے کا جرمانہ عائد کرتے ہوئے ایک نوٹس جاری کیا جس میں فوری طور پر بینک اکاؤنٹ میں یہ رقم جمع کروانے کی ہدایت دی ہے۔
واضح رہے کہ عالمی وبا کے بعد یونیورسٹیز، آفسز ہاسٹل سمیت مختلف مقامات پر مرمت کا کام جاری ہے۔
ایسی صورتحال میں یونیورسٹیز کی سڑکیں بھی مکمل طور پر خراب ہوگئی تھیں، جن کی گذشتہ کچھ دنوں سے مسلسل مرمت کی جارہی ہے۔
سڑکوں کی مرمت کے دوران کوئلے کے تارکول کو کھلی جگہ سے جلایا جارہا تھا، جس سے کثیر مقدار میں آلودگی پیدا ہورہی تھی۔
واضح رہے کہ آلودگی کی روک تھام کے لیے نہ تو پانی کا چھڑکاؤ کیا گیا، اور نہ ہی اس کا احاطہ کیا گیا تھا اور اسی صورتحال کا تقریباً ہزاروں مریض روزانہ سامنا کرتے ہوئے اس مقام سے گزرتے ہیں۔
انہی غیر ذمہ دارانہ کاموں کے پیش نظر اترپردیش آلودگی کنٹرول بورڈ کی ریجنل آفیسر کالیکا سنگھ نے نوٹس جاری کرتے ہوئے بی ایچ یو پر 50 ہزار کا جرمانہ عائد کیا ہے۔
واضح رہے کہ نوٹس جاری کرنے کے بعد نوٹس کی ایک کاپی میونسپل کمشنر وارانسی اور رکن سکریٹری اترپردیش کنٹرول بورڈ لکھنؤ کو بھی بھیجی گئی ہے۔
