مظفرنگر: ریاست اترپردیش کے ضلع مظفر نگر کلکٹریٹ کے احاطے میں آج بھارتیہ کسان یونین امباوتا کے سینکڑوں کارکنان و عہدے داران نے ضلع مجسٹریٹ کے خلاف اور کسانوں کے مختلف مطالبات کو لے کر زبردست احتجاجی مظاہرہ کیا۔ Bharatiya Kisan Union Ambawata Protest in Muzaffarnagar
بھارتیہ کسان یونین امباوتا کے ضلعی صدر شاہ عالم کی سربراہی میں یہ احتجاجی مظاہرہ کیا گیا۔ انہوں نے بتایا کہ 29 نومبر کو ہمارے ذریعے قومی شاہراہ 58 پر کسانوں کی زمینوں کے معاوضے کو لے کر مظفر نگر ضلع مجسٹریٹ سے مل کر ہم نے ایک میمورینڈم پیش کیا تھا جس پر مظفر نگر ضلع مجسٹریٹ نے ہمارے اور کسان بھائیوں کے ساتھ اچھا سلوک نہیں کیا۔ اس بات کو لے کر آج ہم مظفر نگر ضلع مجسٹریٹ کے دفتر کے باہر ہی احتجاج پر بیٹھ گئے ہیں۔ ہم چاہتے ہیں کہ قومی شاہراہ 58 پر کسانوں کی لی گئی زمینوں کا انہیں معاوضہ دیا جائے۔
انہوں نے کہا کہ جی ایس ٹی کے افسران بازاروں مارکیٹوں میں گھوم کر غیر قانونی طریقے سے تاجروں کو پریشان کر رہے ہیں اور غیر قانونی طریقے سے وصولی کر رہے ہیں اس پر روک لگائی جائے۔ گنے کی قیمت چار سو روپے کنٹل ادا کی جائے۔ فیکٹری گنا پیمنٹ کی ادائیگی ٹائم سے کرے نہیں تو پیمنٹ پر بارہ فیصد انٹرسٹ کے ساتھ ادائیگی کرے ان تمام مطالبات کو لے کر آج ہم ضلع کلکٹریٹ دفتر کے باہر احتجاجی مظاہرہ کر رہے ہیں ہم بتا دینا چاہتے ہیں کہ اگر ہمارے مطالبات تسلیم نہیں کیے گئے تو ہم یہاں اپنا احتجاجی مظاہرہ جاری رہے گا۔ Bharatiya Kisan Union Ambawata
یہ بھی پڑھیں : مظفر نگر: بھارتیہ کسان یونین امباواتا کا احتجاج
