بھدوہی: رکن اسمبلی کے بیٹے کے خلاف ناقابل ضمانت وارنٹ جاری

ریاست اترپردیش کے ضلع بھدوہی کے رکن اسمبلی وجئے مشرا کے رشتہ دار کی طرف سے دائر ایک کیس کے معاملے میں رکن اسمبلی ان دنوں جیل میں ہیں، رکن اسمبلی کی اہلیہ اور بیٹا فرار ہیں، اس کیس میں چیف جوڈیشل مجسٹریٹ کی عدالت نے رکن اسمبلی کے بیٹے وشنو مشرا کے خلاف این بی ڈبلیو جاری کیا ہے۔

گزشتہ دنوں گوپی گنج کوتوالی میں ملزم رکن اسمبلی وجے مشرا کی اہلیہ اور بیٹے دونوں مفرور درج ہیں، دونوں کی گرفتاری کے لئے پولیس کی جانب سے تمام کوششیں کی جارہی ہیں، لیکن ابھی تک گرفتاری عمل میں نہیں آسکی ہے۔

رکن اسمبلی وجئے مشرا

اس ضمن میں کرشنند رائے کی جانب سے پراسیکیوشن آفیسر کے توسط سے این بی ڈبلیو کے لئے درخواست دی گئی تھی ، اس معاملے میں چیف جوڈیشل مجسٹریٹ کی عدالت نے رکن اسمبلی وجے مشرا کے بیٹے وشنو مشرا کے خلاف ناقابل ضمانت وارنٹ جاری کیا تھا۔