پولیس ذرائع نے بتایا کہ ایک مقامی اخبار کے صحافی آنند پانڈے بدھ کی رات موٹر سائیکل سے اپنے گھر جارہے تھے۔ اس درمیان شہر کوتوالی علاقے کے روتا چوراہے کے نزدیک ایک تیز رفتار گاڑی نے ان کی موٹر سائیکل کو ٹکر ماردی۔
اس حادثے میں آنند پانڈے کی موقع پر ہی موت ہوگئی۔ وہ شہر کوتوالی علاقے کے کٹرا کے رہنے والے تھے۔
آنند پانڈے کے انتقال پر صحافیوں نے گہرے رنج وغم کا اظہار کیا ہے۔ پریس کلب کے صدر ونود کمار اپادھیائے، سینئر صحافی انل کمار سریواستو، پردیپ چندر پانڈے، آلوک کمار سریواستو وغیرہ نے ان کے انتقال پر تعزیت کا اظہار کیا ہے۔
