Bareilly Police Beefs Up Security For Friday Prayers: بریلی میں نماز جمعہ پُرامن طریقے سے ادا کی گئی

اہانت رسول معاملے میں گزشتہ جمعہ کو ہوئے احتجاجی مظاہرے اور تشدد کے بعد ملک بھر میں مساجد انتظامیہ مسلسل اس کوشش میں مصروف نظر آئیں کہ جمعہ کی نماز کے بعد کوئی احتجاج اور تشدد نہ ہو۔ بریلی میں مساجد انتظامیہ کی کوشش کا نتیجہ یہ نکلا کہ جمعہ کی نماز کے بعد ضلع بھر میں کوئی تشدد کی خبر موصول نہیں ہوئی۔ Bareilly Police Beefs Up Security For Friday Prayers

بریلی، یوپی: پیغمبرِ اسلام کی شان میں گستاخانہ بیان دینے کے بعد بی جے پی سے معطل ترجمان نپور شرما کے خلاف ملک کے مختلف شہروں میں فسادات ہو چکے ہیں۔ خاص طور پر جمعہ کے دن بوال ہونے ہنگاموں اور فسادات کے پیش نظر بریلی میں آج بھی پولیس اور انتظامیہ کا الرٹ جاری رہا۔ ضلع میں تمام مساجد کے باہر پولیس کی سکیورٹی کا معقول انتظام کیا گیا تھا۔ Bareilly Police Beefs Up Security For Friday Prayers

آل انڈیا اتحاد ملّت کونسل آئی ایم سی کے قومی صدر مولانا توقیر رضا خاں کے دھرنا برائے یوم درود کے اعلان کے بعد پولیس ایکشن موڈ میں ہے۔ ضلع انتظامیہ اور پولیس کی مشترکہ ٹیموں کے ذریعے شہر کے مسلم اکثریتی علاقوں میں خاص نظر رکھی جا رہی ہے۔ انٹیلی جنس کی ٹیمیں خفیہ طریقے سے لوگوں پر نظر رکھ رہی ہیں۔ پولیس کے اعلیٰ افسران نے سوشل میڈیا پر وائرل ہونے والے میسجز پر خاص طور پر نگاہ رکھنے کے احکامات دیے ہیں۔ Namaz Juma Offered Peacefully

بریلی میں نماز جمعہ پُرامن طریقے سے ادا کی گئی

جمعہ کا دن ضلع کے اعلیٰ افسران کے لیے خاص طور پر چیلنج بن گیا ہے۔ دراصل آئی ایم سی کے قومی صدر مولانا توقیر رضا خاں نے سب سے پہلے 10/ جون بروز جمعہ کو نپور شرما کے خلاف احتجاجی مظاہرے کا اعلان کیا تھا۔ لیکن اُس دن ہندو سماج کا دسہرہ اسنان ہونے کی وجہ سے مولانا توقیر رضا خاں نے اپنا پروگرام ملتوی کر دیا تھا اور پھر 17/ جون بروز جمعہ احتجاجی مظاہرے کا دن مقرر کیا۔ لیکن، آئی ایم سی کی مشاورتی کمیٹی نے ایک میٹنگ منعقد کرکے فیصلہ کیا کہ جمعہ کا دن پولیس، ضلع انتظامیہ اور دیگر مذاہب کے لوگوں کے لیے دہشت کے دن کے طور پر شمار کیا جانے لگا ہے۔ لہٰذا، جمعہ کے دن کے تقدس کو پامال ہونے سے بچانے کے لیے جمعہ کے دن کے علاوہ کوئی دوسرا دن طے کیا جائے گا۔

بریلی میں نماز جمعہ پُرامن طریقے سے ادا کی گئی

جمعہ کے دن احتجاج کے پیش نظر، مولانا توقیر رضا خاں نے اپنے پروگرام میں دو تبدیلیاں کی ہیں۔ پہلی یہ کہ وہ جمعہ کے دن کوئی مظاہرہ نہیں کریں گے اور دوسری تبدیلی یہ ہے کہ احتجاجی مظاہرے کے بجائے وہ ”دھرنا برائے یومِ درود“ منعقد کریں گے۔ اب یہ پروگرام 19/ جون بروز اتوار کو دوپہر 3 بجے سے شام 6 بجے تک منعقد کیا جائےگا۔ ضلع انتظامیہ نے بھی اسی مدت کی تحریری منظوری دی ہے۔

بریلی میں نماز جمعہ پُرامن طریقے سے ادا کی گئی

جمعہ کی نماز کے پیش نظر پولیس کے افسران اے ڈی جی راج کمار، آئی جی رمیت شرما، ایس ایس پی روہِت سنگھ سجوان کے علاوہ انتظامیہ کی جانب سے کمشنر سیلوا کماری جے اور ڈی ایم شیوا کانت دیویدی نے تمام سکیورٹی انتظامات کا جائزہ لیا۔ شہر میں حساس علاقوں میں 900 ڈرون کیمروں سے نگہبانی کی گئی۔ ایس پی رینک کے 4 افسر لگائے گئے۔ اس کے علاوہ 8 سی او، 35 انسپیکٹر، 218 سب انسپیکٹر، 142 ہیڈ کانسٹیبل، 929 کانسٹیبل، 69 خاتون کانسٹیبل اور 7 خاتون داروغہ کے علاوہ 5 کمپنیاں پی اے سی اور 2 کمپنی آر اے ایف کو تعینات کیا گیا تھا۔

• UP Police Beefs Up Security For Friday Prayers: اترپردیش میں جمعہ کے پیش نظر سیکوریٹی کے سخت انتظامات
  
  فی الحال، 17/ جون کو جمعہ کی نماز کی ادائیگی اور اُس کے بعد لوگوں کے جمع ہونے کے خدشات کو پولیس اور انتظامیہ کے افسران نے بڑی سنجیدگے سے لیا۔ شہر کی تمام بڑی اور قدیمی مساجد کے باہر پولیس کی پہرےداری رہی۔ شہر کی جامع مسجد، نو محلہ مسجد، سیلانی والی مسجد، موتی مسجد اور کتب خانہ مسجد پر پولیس کی اضافی فورس تعینات رہی۔ اہم بات یہ ہے کہ نماز جمعہ ادا کرنے کے بعد تمام نمازی پُرامن اور خاموشی سے اپنے گھروں کو واپس چلے گئے۔