ریاست اترپردیش کے ضلع بریلی میں وکیل سنجےسنگھ کے قتل کے ملزمین کی گرفتاری کا مطالبہ ہر گذرتے دن کے ساتھ ساتھ طول پکڑتا جارہا ہے ۔بار ایسوسی ایشن نے جلد از جلد ملزمین کی گرفتاری کا مطالبہ کیا ہے۔
واضح رہے کہ گزشتہ 14 ستمبر کو وکیل سنجے سنگھ سڑک حادثہ میں ہلاک ہو گئے تھے۔تاہم ان کی اہلیہ نے سنجے کے بھائی پر قتل کا الزام لگاتے ہوئے مقدمہ درج کرایا تھا۔
اس واقعہ کے چشم دید گواہوں نے بتایا کہ گاڑی سنجے سنگھ کا بھائی سماجوادی پارٹی کے لیڈر مُدیت پرتاپ سنگھ چلا رہے تھے۔ مقامی لوگوں کے مطابق دونوں بھائیوں میں تقریبا گذشتہ بیس برسوں سے تعلقات خراب تھے۔ اور بات چیت بھی بند تھی۔ گاؤں اترچھیڑی میں ایک راشن کی دکان کے مالکانہ حق کی منتقلی کی وجہ سے دونوں بھائیوں کے درمیان دشمنی تھی۔
مزید پڑھیں:
سہارنپور: خاتون کی مشتبہ موت، ملزمین کی گرفتاری کا مطالبہ
حالانکہ مُدیت پرتاپ سنگھ گاؤں اترچھیڑی کو چھڑکر شہر میں رہنے لگے تھے۔ لیکن اسی سال اُنہوں نے گاؤن میں وارڈ نمبر 40 سے سماجوادی کے حمایت یافتہ امیدوار کے طور پر اپنی اہلیہ پراچی سنگھ کو انتخاب میں اتاراتھا ۔ جس کی سنجے سنگھ نے مخالفت کی تھی۔
