بارہ بنکی: پولیس تصادم میں دو مطلوبہ ملزم گرفتار

پولیس سپرنٹینڈنٹ یمونا پرساد نے بتایا کہ مسولی تھانہ حلقے کی پولیس کو اطلاع ملی تھی کہ قتل اور قتل کی کوشش میں نامزد مطلوبہ ملزم الطاف حسین اور دنیش راوت کرسنڈہ میں آئی ٹی آئی روڈ پر ہیں، پولیس نے جب دونوں کی گھیرا بندی کی تو انہوں نے پولیس پر فائرنگ شروع کردی، فائرنگ میں پولیس کانسٹیبل رام نرائن زخمی ہوئے، وہیں جوابی کارروائی کے دوران الطاف اور دنیش بھی زخمی ہوئے۔

ریاست اتر پردیش کے ضلع بارہ بنکی ضلع کے مسولی تھانہ حلقے میں پولیس تصادم میں دو مطلوبہ ملزم گرفتار ہوئے ہیں۔ پولیس کے ہاتھ لگے یہ دونوں ملزم قتل اور قتل کی کوشش کے مقدمے میں نامزد تھے اور پولیس کو ان کی طویل عرصے سے تلاش تھی۔ پولیس اور ان کے درمیان فائرنگ میں ایک پولیس اہلکار بھی زخمی ہوئے ہیں، تینوں کا علاج جاری ہے۔

پولیس سپریٹینڈنٹ یمونا پرساد نے بتایا کہ مسولی تھانہ حلقے کی پولیس کو اطلاع ملی تھی کہ قتل اور قتل کی کوشش میں نامزد ملزم الطاف حسین اور دنیش راوت کرسنڈہ میں آئی ٹی آئی روڈ پر ہیں، پولیس نے دونوں کی گھیرا بندی کی تو دونوں نے پولیس پر فائرنگ شروع کر دی، فائرنگ میں پولیس کانسٹیبل رام نرائن زخمی ہوئے، وہیں جوابی کارروائی کے دوران الطاف اور دنیش راوت زخمی ہو ئے۔

پولیس نے دونوں ملزم اور کانسٹیبل کو ضلع ہسپتال میں علاج کے لیے داخل کرایا ہے۔ پولیس کے مطابق دونوں ملزم کے پاس سے ایک 32 بور اسلحہ، طمنچہ اور ایک گاڑی بڑآمد ہوئی ہے۔ پولیس کا دعویٰ ہے یہ دونوں کسی واردات کو انجام دینے ہی نکلے تھے۔