اترپردیش کے ضلع بارابنکی میں سابق وزیراعظم آنجہانی چودھری چرن سنگھ کے یوم پیدائش کے موقع پر بھارتیہ کسان یونین کے دفتر میں کسانوں نے انہیں خراج عقیدت پیش کیا اور اس موقع پر عہد کیا کہ وہ کاشت کاری میں مضر کیمکل استعمال نہ کرنے کے لیے تحریک شروع کریں گے۔
سابق وزیراعظم چودھری چرن سنگھ کو خراج عقیدت پیش
بارہ بنکی میں کسان یونین ٹکیت کے دفتر میں چودھری چرن سنگھ کی سالگرہ پر انہیں خراج عقیدت پیش کرنے کے لیے ایک تقریب منعقد کی گئی جس میں کسان یونین کے کارکنان نے ان کی تصویر پر گل پوشی کر کے انہیں خراج عقیدت پیش کی۔
اس کے بعد چرن سنگھ کی شخصیت اور ان کے کاموں پر روشنی ڈالی گئی، اس موقع پر کسان یونین کے کارکنان نے عہد کیا کہ وہ اپنے خدمت خلق کے کاموں میں اضافہ کریں گے اور لوگوں کی صحت اور ماحولیات کے تحفظ کے لیے کاشت کاری کے لیے مضر کیمکل کا استعمال نہ کرنے کی مہم چلائی جائے گی۔
