خودکشی کا یہ معاملہ اتر پردیش کے ضلع بارہ بنکی کے شہر کوتوالی حلقے کے وکاس بھون روڈ کا ہے. یہاں کے 28 سالہ نوجوان نے سنیچر کی صبح اس وقت پھانسی لگا لی جب اس کے والدین صبح کی سیر کے لئے نکلے تھے. والدین جب واپس لوٹے تو منوج کی لاش آنگن میں پھندے سے لٹکتی ملی۔
منوج کے والد رام کھیلاون کے مطابق ایسا محسوس ہو رہا ہے کہ جیسے اسے ہمارے باہر جانے کا انتظار تھا. انہوں نے بتایا کہ لاش کے قریب سے خودکشی نوٹ بھی برآمد ہوا ہے. جس میں اس نے خودکشی کے لئے کسی کو ذمہ دار نہیں بتایا ہے. اور اس نے یہ بھی لکھا ہے کہ وہ خود اپنی خودکشی کا ذمہ دار ہے. لہذا ان کے والدین کو پریشان نہ کیا جائے۔
والد کو اس کی خودکشی کی اصل وجہ معلوم نہیں ہے. لیکن خود کشی کرنے والے منوج کے بھانجے کے مطابق ان کے ماموں کئی کورسز مکمل کر چکے تھے۔ متعدد جگہ درخواست دے چکے تھے ، لیکن کامیابی نہیں مل رہی تھی۔ جس کی وجہ سے وہ ڈپریشن میں تھے. بتایا جا رہا ہے کہ ہو کہ اس کے دو بڑے بھائی سرکاری ملازم ہیں. منوج ایم ایس سی، بی ٹی سی اور ٹی ای ٹی کا امتحان بھی پاس کر چکا تھا۔
