ایس پی کارکنان پارٹی دفتر سے جلوس کی شکل میں نعرےبازی کرتے ہوئے ضلع مجسٹریٹ دفتر پہونچے اور یہاں حکومت کے خلاف مزید نعرےبازی کی۔
سماجوادی پارٹی کے تمام یوتھ فرنٹ کی جانب سے ہوئے اس احتجاج میں کثیر تعداد میں ایس پی کارکنان نے شرکت کی۔ ایس پی کارکنان ہاتھوں میں تختیاں لیکر نعرے بازی کرتے ہوئے ضلع مجسٹریٹ دفتر پہونچے تھے۔ اس کے بعد انہوں نے مجسٹریٹ کو میمورنڈم دیا۔
ریاستی گورنر کو مخاطب میمورنڈم کے ذریعہ ایس پی کارکنان کا مطالبہ ہے کہ کسانوں کے مسائل حل ہوں، مہنگی تعلیم سستی ہو، ریاستی حکومت اپنی ریزرویشن کی پالیسی واضح کرے، بے روزگاروں کو روزگار ملے، پرائیوٹائیزیشن ختم ہو اور بی ایڈ میں قبل کی ہی طرح ایس سی ایس ٹی طلبہ کو مفت داخلہ دیا جائے۔
ایس پی کارکنان نے انتباہ کیا ہے کہ اگر مطالبات پر غور نہیں کیا گیا تو کورونا دور کے بعد مزید احتجاج کیا جائے گا۔
