متعدد دفعہ احتجاج اور میمورنڈم دینے کے بعد سنیچر کو تنظیم کے ذمہ داران نے ایک دفعہ پھر ضلع مجسٹریٹ دفتر پر احتجاج کیا اور میمورنڈم دیا۔
تنظیم نے انتباہ دیا ہے کہ اگر اسمارٹ میٹر کا مسئلہ حل نہیں کیا گیا تو یہ تنظیم بڑی تعداد میں لوگوں کو لے کر اسمبلی کا گھیراؤ کرے گی۔
تنظیم کے صدر اکبر شاہ نے بتایا کہ جب سے اسمارٹ بجلی میٹر لگائے گئے ہیں بجلی کا دگنا بل آرہا ہے، اس بات سے حکومت بھی واقف ہے کہ عوام بجلی کے اضافی بل سے پریشان ہے۔
اکبر شاہ نے مزید کہا کہ تمام سماجی تنظیم اس کے خلاف آواز بلند کر رہی ہیں لیکن اس کے باوجود یہ مسئلہ حل نہیں کیا جا رہا ہے۔
انہوں کہا کہ اگر 20 نومبر تک حکومت اس مسئلے پر کوئی قدم نہیں اٹھاتی ہے تو وہ عوام سے اپیل کریں گے کہ وہ اپنے گھروں میں نصب اسمارٹ میٹر کو اکھاڑ پھینکیں، اس کے علاوہ ضلع مجسٹریٹ کے دفتر کا گھیراؤ بھی کیا جائے گا اور اگر ضرورت پڑی تو اسمبلی کا گھیراؤ بھی کیا جائے گا۔
