انکاؤنٹر بی جے پی نہیں کرتی، قانون کرتا ہے: مکٹ بہاری

بی جے پی کے سینئر رہنما مکٹ بہاری ورما نے کہا کہ انکاؤنٹر بی جے پی نہیں کرتی ہے بلکہ قانون کرتا ہے۔ مکٹ بہاری ورما بی ایس پی کے قومی جنرل سکریٹری ستیش مشرا کے اس بیان پر ردعمل کا اظہار کیا ہے جس میں انہوں نے کہا تھا کہ بی جے پی حکومت میں 700 برہمنوں کے انکاؤنٹرس ہوئے ہیں۔

ریاست اتر پردیش کے وزیر اور بی جے پی کے سینئر رہنما مکٹ بہاری ورما نے کہا ہے کہ انکاؤنٹرس بی جے پی نہیں کرتی بلکہ قانون کرتا ہے۔

دراصل مکٹ بہاری ورما بی ایس پی کے قومی جنرل سکریٹری ستیش مشرا کے اس بیان پر ردعمل دے رہے تھے جس میں انہوں نے کہا تھا کہ بی جے پی حکومت میں 700 برہمنوں کے انکاؤنٹرس ہوئے ہیں۔

ریاست اتر پردیش کے بارہ بنکی میں ہندی کوی اوم جی کی کتاب اومانجلی کے رسم اجرا اور کو آپریٹو محکمے کے کارپوریٹرس اور کسانوں کے سیمنار میں شرکت کرنے آئے مکٹ بہاری ورما نے کہا کہ ملک میں 70 برس بعد پہلی دفعہ کوآپریٹو کی وزارت کو تشکیل دے کر کوآپریٹو تحریک کو نئی طاقت بخشی ہے۔ اس سے دیہی علاقوں میں کے تمام کوآپریٹو ایجینسیز کو دیجٹلائیز کر کے انہیں کسانوں کے لیے مددگار بنایا جائے گا۔

انہوں نے کہا کہ کسان یہاں نہ صرف کھاد اور بیج حاصل کر سکیں گے بلکہ وہاں اپنے پروڈکٹس کی خرید و فروخت بھی کر سکیں گے اور کسانوں کو اپنی زرعی ضروریات کی تکمیل کے لئے باہر نہیں جانا پڑے گا۔

جب ان سے یہ سوال کیا گیا کہ جب کسانوں کے لئے اتنی ساری سہولیات مہیا کی گئی ہے تو پھر کسان کے مسائل حل کیوں نہیں ہورہے ہیں۔

اس سوال کے جواب میں انہوں نے کہا کہ بہت سارے کسان جو زرعی قوانین کے خلاف احتجاج کر رہے ہیں وہ گمراہ ہیں۔