اتر پردیش کے ضلع بارہ بنکی میں پارٹی ہیڈ کوارٹر پر دو ارکان اسمبلی نے ایک ہی جگہ پر الگ الگ احتجاج کیا اور الگ الگ میمورنڈم پیش کئے۔ پارٹی کے ارکان اس کی وجہ سماجی فاصلہ بتا رہے ہیں۔
دراصل سماجوادی پارٹی کا تحصیل ہیڈ کوارٹر پر احتجاج کا پروگرام طئے تھا۔ ضلع میں بھی تمام تحصیلوں پر ایس پی کارکنان نے احتجاج کرکے میمورنڈم دیئے لیکن بارہ بنکی شہر گنا دفتر کے احاطے میں نواب گنج تحصیل میں زیدپور کے رکن اسمبلی گورو راوت اور بارہ بنکی کے رکن اسمبلی دھرم راج یادو کی قیادت میں الگ الگ احتجاج کیا۔
اس سے متعلق جب دھرم راج یادو سے سوال کیا گیا تو وہ بہانے بنانے لگے۔ بعد میں ضلعی صدر کے اشارے پر انہوں نے سماجی فاصلے کے عمل کی پابندی بتا کر پلہ جھاڑ لیا جبکہ ایس پی کارکنان نے سماجی فاصلے کے عمل کی کتنی اور کیسے پابندی کی وہ آپ ویڈیو میں دیکھ سکتے ہیں۔
واضح رہے کہ اس قبل سماجوادی پارٹی کے کارکنان نے ضلع دفتر کے سامنے آدھے ننگے بدن ہو کر حکومت کے خلاف مظاہر کیا۔
اس دوران انہوں نے حکومت کے خلاف نعرےبازی کی۔ یہی نہیں یہاں سے انہیں گنا دفتر کی جانب جس راستے سے جانا تھا وہ اس کے بجائے دوسرے راستے سے گئے۔
