سبزیوں کی قیمتوں میں مسلسل اضافے کے باعث عوام کے ساتھ ساتھ سبزی فروش بھی پریشان ہیں۔ ضلع بھر میں سبزیوں کی قیمتوں میں مسلسل اضافہ ہو رہا ہے۔ آلو کی قیمت بڑھ کر 60 روپے فی کلو گرام ہوگئی اور پیاز کی بڑھتی قیمتیں مسلسل خریداروں کی آنکھوں میں آنسو لارہی ہیں۔
بارہ بنکی: سبزی کی قیمتوں میں اضافہ، بگڑا عام آدمی کا بجٹ
اس کے علاوہ ٹماٹر اور دیگر سبزیوں کی قیمتوں میں بھی بے تحاشہ اضافہ ہوا ہے جس کی وجہ سے کمزور اور متوسط طبقہ کے لوگوں کی پلیٹوں سے سبزیاں دور ہوتی جا رہی ہیں۔
لوگ قیمتوں میں اضافہ کی وجہ سے کم مقدار میں سبزیاں خریدنے پر مجبور ہیں۔ سبزیوں کی قیمتوں نے صرف خریداروں کو ہی پریشان نہیں کیا ہے بلکہ اس سے سبزی فروش بھی پریشان ہیں۔ اچانک اس قدر قیمتوں میں اضافہ کی وجہ سے سبزیوں کی فروخت پر بھی اثر پڑا ہے اور عام آدمی کا بجٹ بگڑ چکا ہے۔
