ملائم سنگھ یادو یوتھ برگیڈ کے کارکنان، ضلعی صدر شافعی زبیری کی قیادت میں پیر بٹاون محلے واقع ملن بستی پہنچے۔ وہاں کے تمام بچوں کو دودھ، بسکٹ اور ٹافی وغیرہ تقسیم کیے۔ کھانے پینے کی اشیا حاصل کرنے کے لیے وہاں بچوں کے ساتھ ان کے والدین بھی آگئے۔
ملائم سنگھ یادو یوتھ برگیڈ کے ضلعی صدر شافعی زبیری
اس موقع پر ملائم سنگھ یادو یوتھ برگیڈ کے ضلعی صدر شافعی زبیری نے کہا کہ قومی صدر اکھیلیش یادو کی سالگرہ سے ایک روز قبل غریبوں میں کھانے پینے کی اشیا تقسیم کرنے کا اصل مقصد یہ ہے کہ ضرورت مند افراد کی امداد کی جائے کیونکہ کووڈ 19 کے دور میں حکومت کی بے رُخی کی وجہ سے یہ طبقہ کافی چیزوں سے محروم ہوا ہے۔
اس لیے ہم لوگوں نے طے کیا کہ قومی صدر کی سالگرہ کے موقع پر بڑے پروگرامز کرنے کی بجائے غربا کی خدمت کر کے قومی صدر کی طویل عمر کے لیے دعا کی جائے۔
