بارہ بنکی کے ایک گئوشالہ میں آتشزدگی کے بعد فائربریگیڈ عملہ نے گھنٹوں کی مشقت کے بعد آگ پر قابو پالیا۔ آگ لگنے کی وجہ شارٹ سرکٹ ہوسکتی ہے۔
بارہ بنکی: گئوشالہ میں آتشزدگی، 4 گائیوں کی موت
اطلاعات کے مطابق ٹکیت نگر بارن باغ روڈ پر نگر پنچایت چیئرمین جگدیش پرساد گپتا کی جانب سے ایک گئوشالہ کو چلایا جاتا ہے جبکہ یہاں سینکڑوں گائیوں کو رکھا گیا۔ گذشتہ روز دوپہر شارٹ سرکٹ کی وجہ سے اچانک آگ بھڑک اٹھی۔ آگ اتنی شدید تھی کہ فائربریگیڈ عملہ کو اسے قابو میں کرنے کے لیے گھنٹوں مشقت کرنا پڑا۔
آگ کی وجہ سے گئوشالہ میں رکھی لاکھوں روپئے مالیت کی اشیا راکھ میں تبدیل ہوگئی۔ آگ بجھانے میں مقامی لوگوں نے فائربریگیڈ عملہ کی مدد کی۔
