جس کا کوئی نہیں ہوتا، اس کا خدا ہوتا ہے

جس کا کوئی نہیں ہوتا اس کا خدا ہوتا ہے یہ بات بارہ بنکی میں ایک بار پھر حقیقت ثابت ہوئی جہاں ایک معزور و بے سہارا ضعیفہ ڈی ایم دفتر میں سردی سے بچنے کی فریاد لے کر آئی تھی لیکن ڈی ایم نے امید سے بڑھ کر اس ضعیفہ کی مدد کی۔

دراصل بارابنکی کے زیدپور تھانہ حلقہ کے محی الدین پور کی رہنے والی ضعیف خاتون گیانیشوری کا اس بڑھاپے میں کوئی سہارا نہیں ہے۔

تقریباً 70 برس کی عمر میں ان کا ہاتھ فریکچر ہو گیا اور مناسب علاج نہ ہونے کے سبب وہ اپنے ایک ہاتھ سے معذور ہوگئیں جس کے سبب ان کا یہ بڑھاپا ان کے لیے مزید مشکل ہوگیا۔

گیانیشوری آج سرد موسم سے بچنے کے لیے ڈی ایم دفتر کمبل کی آس میں پہونچی تھیں جہاں ڈی ایم نے ان کی فریاد پر فوری پر انھیں کمبل فراہم کیا۔

اور جب ڈی ایم کی نگاہ اس ضعیف گیانیشوری کے ہاتھ پر پڑی تو ڈی ایم نے انھیں اپنی گاڑی سے ضلع ہسپتال روانہ کیا اور وہاں کے ڈاکٹروں کو ان کا بہتر علاج کرنے کی ہدایت دی۔

تاہم ڈی ایم کے اس اقدام سے ضعیف گیانیشوری کافی خوش ہے کیونکہ ضلع اسپتال میں ان کا علاج شروع کر دیا گیا ہے۔