یوگی حکومت کے 4 سال مکمل ہونے کے موقع پر بڑے پیمانہ پر تقاریب منعقد کی گئیں۔ بارہ بنکی میں منعقد ہوئے پروگرام میں ضلع کے انچارج وزیر سمیت تمام ارکان اسمبلی نے شرکت کی۔
تقریب سے خطاب کرتے ہوئے مقررین حکومت کی حصول یابیوں کو گنوایا اور دعویٰ کیا گیا کہ یوگی حکومت کے دوران ریاست میں ہمہ جہت ترقی ہوئی ہے۔
بارہ بنکی کے جی آئی سی آڈیٹوریم میں منعقد ہوئی اس تقریب میں گذشتہ چار برسوں میں ہوئی ضلع کی ترقی پر ’4 برس میں بارہ بنکی کی ترقی‘ کتاب کا رسم اجرا عمل میں لایا گیا۔ دارا سنگھ چوہان نے مہمان خصوصی کی حیثیت سے شرکت کی اور خطاب کرتے ہوئے حکومت کی مختلف حصولیابیوں کو گنوایا۔
تقریب کے دوران ایک اسکیم کے تحت مستفدین میں لیپ ٹاپ، چیک اور اسناد تقسیم کی گئیں۔ اس موقع پر بیوہ پینشن، ضعیف پینشن، وزیراعظم رہائیش اسکیم، ماہی پروری کےلیے محکمہ کی اسکیمات کے مستفدین کو سند دی گئی جبکہ آئیس ٹرک کو ہری جھنڈی دکھا کر روانہ کیا گیا۔ وہیں محکمہ صحت کی جانب سے 28 ہیلتھ سینٹر کا بھی افتتاح کیا گیا۔
