دونوں اے ٹی ایم کیبن میں آنے والے صارفین کی مدد کے بہانے ان کا پن کوڈ جان لیتے تھے اور ان کا اے ٹی ایم کارڈ بدل دیتے تھے۔
بارہ بنکی شہر میں ججیز کمپاؤنڈ کے قریب گزشتہ 3 مارچ کو بینک آف بڑودا کے اے ٹی ایم سے ایک شخص نے جعلسازی سے دو دفعہ میں 60 ہزار روپیہ نکالے جانے کی شکایت کی تھی۔ اسی طرح 10 جون کو رام کشور شریواستو نے الہ آباد بینک کے اے ٹی ایم سے 25 ہزار روپے نکالے جانے کی شکایت کی تھی۔ پولیس اسی معاملے کی تحقیقات کر رہی تھی۔
منگل کو پرتاپ گڑھ ضلع کے کرشنا سنگھ اور اتر ٹولہ بنکی کے رہائشی مہیندر پرتاپ سنگھ کو دیوا تراہے سے گرفتار کیا۔ پوچھ گچھ میں دونوں نے اعتراف کیا کہ یہ دونوں گھوم گھوم کر اے ٹی ایم کی ریکی کرتے تھے۔ جس اے ٹی ایم کیبن میں گارڈ نہیں ہوتا تھا یہ وہیں جاتے تھے اور وہاں پیسے نکالنے آنے والوں کو اپنا شکار بناتے تھے۔
ان کے پاس تمام بینکوں کے کارڈ ہوتے ہیں۔ جب اے ٹی ایم کی زیادہ معلومات نہ ہونے کے سبب پیسے نکالنے آئے صارفین سے دونوں ملزمین ان کا پن نمبر جانتے تھے۔ پھر ان کا پیسہ نکالنے کے بہانے ان کو اسی بینک کا دوسرا اے ٹی ایم کارڈ دیتے تھے۔ اس کے بعد صارفین کے کارڈ سے پیسہ نکالتے تھے یہ آن لائن شاپنگ کر لیتے تھے۔ دونوں ملزمین اب تک متعدد اضلاع میں اس قسم کی واردات کو انجام دے چکے ہیں۔
پولیس سپریٹینڈنٹ ڈاکٹر اروند چترویدی نے عوام سے اپیل کی ہے کہ وہ اے ٹی ایم سے پیسہ نکالتے وقت ہوشیار رہیں۔ پن کوڈ انٹر کرتے وقت ہاتھ سے نمبرس کو کور کر لیں۔ تاکہ کوئی بھی شخص یہ کیمرا ان کا پن کوڈ جان نہ سکیں۔
