بارہ بنکی: ملک مخالف طاقتوں کی نظر زراعت اور ماحولیات پر؟

ملک مخالف طاقتوں اور غیر سماجی عناصر کی نظر ملک کے زرعی نظام اور یہاں کے ماحولیات کو نقصان پہنچانے کے فراق میں ہیں۔ ان لوگوں کی کوشش ہے کہ ملک کی زراعت اور ماحولیات کو نقصان پہنچا کر ہمیں کمزور کیا جا سکے، لیکن حکومت اس مسلے پر مستعد ہو گئی ہے۔

مرکزی حکومت کی جانب سے تمام ریاستوں کو اس کے پیش نظر ایڈوائزری جاری کی گئی ہے۔ ریاست اتر پردیش کے بارہ بنکی میں بھی محکمہ زراعت کی جانب سے تمام کسانوں کو مستعد رہنے کی تاکید کی گئی ہے۔

دراصل ملک مخالف طاقتوں، غیر سماجی عناصر کی جانب سے کسانوں کو بیج یہ دوا کا پارسل بھیجا جا رہا ہے۔

اس پارسل میں کھیت اور ماحولیات کو خراب کرنے والے کیمکل ہو سکتے ہیں، تاہم ریاست بارہ بنکی میں ابھی ایسا کوئی بھی معاملہ پیش نہیں آیا ہے، لیکن اس کے باوجود محکمے زراعت نے کسانوں کو تاکید کی ہے کہ وہ ایسا کوئی بھی پارسل نہ لیں، جسے انہوں نے خود نہیں منگوایا ہو۔

ساتھ ایسا کچھ ہونے پر فوراً انتظامیہ کو اطلاع کرنے کی بھی ہدایت دی گئی ہے۔ کسانوں کے ساتھ محکمے زراعت کے بھی تمام اہلکاروں کو بھی مستعد رہنے کی ہدایت دی گئی ہے، تاکہ ملک مخالف طاقتوں اور غیر سماجی عناصر کے ناپاک منصوبوں کو ناکام کیا جا سکے۔