ضلع بارہ بنکی میں ملازمین نے ریاستی حکومت کے خلاف دھرنا دیتے ہوئے اپنے لئے پرانی پینشن بحالی سمیت متعدد مطالبات کی مانگ کی. انہوں نے انتباہ کیا ہے کہ اگر ان کے مطالبات پر غور نہیں کیا جاتا ہے، تو وہ اپنے احتجاج کو اور تیز کریں گے. جس کی تمام ذمہ داری حکومت کی ہوگی.
بارہ بنکی کے گنا دفتر میں احتجاج کر رہے ملازمین نے بھوک ہڑتال کے دوران زبردست نعرے بازی کی. تنظیم کے ضلع صدر آر پی سنگھ کے مطابق طئے پروگرام کے تحت ریاستی ملازمین نے پہلے 17 فروری سے 27 فروری تک سیاہ پٹی باندھ کر کام کیا. اس کے بعد 1 سے 8 مارچ تک گیٹ میٹنگ کر کے ملازمین کو بیدار کیا گیا.
انہوں نے کہا کہ 9 اکتوبر 2018 کو تنظیم اور چیف سکریٹری کے درمیان مذاکرات میں کچھ مسائل پر رضامندی ہوئی تھی، لیکن اس پر عمل ابھی تک نہیں ہوا ہے. اسلئے انہوں نے بھوک ہڑتال کر کے اشارہ دیا ہے کہ اگر ان کے مطالبات پر غور نہیں کیا گیا تو وہ احتجاج کا دائرہ وسیع کر دیں گے. جس کی تمام ذمہ داری حکومت کی ہوگی.
